السلام عليكم انا اسمى موكا مخطوبة عن حب بس خطيبى عنيد جدا ودايما مش بيريحنى وعاوز كلامه يمشى فى اى حاجة وبيتجاهل مشاعرى وبيجرحنى كتير بكلامه ومبقاش بيخاف على زعلى وبيجرحنى كتير ومش عارفة اتفاهم معاه ابدا وكل مااقوله على اى حاجة مزعلانى منه يقولى انا كده ومش هتغير عاجبك تمشى على دماغى ماشى مش عاجبك اعملى اللى انتى عاوزاه وكل مااقوله ريحنى فى كلامك يقوللى انا مبريحش حد انا كده ومش هتغير مع انى بخاف على مشاعره ومش بحاول اعمل حاجة تزعله بس بيرجع يقوللى انتى السبب انتى اللى بتزهقينى وبيبعد عنى كتير وممكن مايتصلش بيا برضو والمشكلة انه بيحبنى منين يكون بيحبنى ومنين بيزعلنى انا تعبت منه خالص ومش عارفة اعمل ايه معاه انا مبطلبش منه غير الاهتمام والمعاملة الطيبة وانه يحسسنى بحبه انا وصلت لدرجة الندم على حبى ليه واتمنيت انى مكنتش اعرفه ابدا بس هو قبل الخطوبة كان حاجة تانية كان بيخاف عليا ومابيزعلنيش ولو زعلت منه كان بيهتم انه يصالحنى انا مبقتش عارفة اتعامل معاه خالص ومش لاقية منه اى راحة ومحتارة هو ليه بقى بيعمل معايا كده مع انى براعيه جدا وبقدر ظروفه ومش بضغط عليه فى اى حاجة نفسى ابطل احبه واقدر ابعد عنه انا كرهت نفسى لانى بقيت ضعيفة معاه وكرهت حبى ليه انا مش عارفة اعمل ايه بالله عليكم ساعدونى الاقى حل لمشكلتى